حيــــــــــــاتى
مــــــــــــــرحبا بك فى منتدى حياتــــــــــى .... من فضلك اضغط على زر تسجيل لكى تسمتع معنا ،، وشكرا

حيــــــــــــاتى

منتدى حياتى ،، منتدى الإبداع والتميز
 
الرئيسيةبحـثالتسجيلدخول
مـــــرحبــــــــــــا بكم فى منتدى حيـــــــــــــاتى .... اتمنى ان تستمتعوا معنا Smile

شاطر | 
 

 مهارات المقابلة الشخصية ..

اذهب الى الأسفل 
كاتب الموضوعرسالة
hector
عضو جديد
عضو جديد
avatar

عدد المساهمات : 16
نقاط : 16923
السٌّمعَة : 0
تاريخ التسجيل : 12/09/2009

مُساهمةموضوع: مهارات المقابلة الشخصية ..   الثلاثاء سبتمبر 22, 2009 3:48 pm

قسم عاجبك ف الكليه ونفسك تدرس فيه ...

هنعملك انترفيو الاول ولو نجحت ف الانترفيو تدخل القسم ..ما نجحتش تتفضل تروح اى قسم تانى





رايح تاخد كورس عشان تقوى نفسك ف مجالك ....


هنعملك انترفيو الاول لو قبلت ممكن حضرتك تتفضل تدفع مصاريف الكورس ولو ما نجحتش ف الانترفيو فبنعتذر جداااااااا


رايح تقدم على شغل ف شركة مااااا ...

اتفضل حضرتك سيب cv..بتاعتك واحنا هنحدد معاد الانترفيو ونبقا نكلمك لو قبلت ف الانترفيو تاخد الشغل ..ما قبلتش ..سورى ..مش هنبقل حضرتك ف الشركة


يعنى الانترفيو او المقابله الشخصية ..بقت حاجة مهمة جدااااااااااا...


بعض النقط المهمة اللى لازم تبقا عارفاها لو انت/انتى عندك انترفيو
............ ......... ......... ........... ..............



قبل الانترفيو :

اولاااا : طبعااا حضر نفسك كويس للانترفيو ..و اقرا عن المنظمة او الشركة دى وخد معلومات عنها ..انشأت امتا ؟؟...ومين اللى انشأوها ؟؟...ليها كام فرع ؟؟....فكرها ايه ؟؟وخلى بالك من فكر المنظمة واحترمه حتى لو مختلف معاه ....لو رايح وزارة الاوقاف بيبقا ليها فكر ..غير لو رايح فندق ف شرم الشيخ اكيد هيبقا ليه فكر مختلف
جمع كل المعلومات دى عن طريق انك تقرا كتب ...
او لو المؤسسه دى بتصدر جريدة او مجله جبها واقرا فيها




ادخل ع النت واقرا عن الشركة دى ولو ليها موقع رسمى زوره




المهم انك تجمع معلومات عن الشركة اللى انت رايحها باكبر قدر ممكن


ثانيا : حط فى دماغك حاجة ..طالما كلمونى عشان ااجى الانترفيو دا يبقا هما شايفين انو انا ممكن اخد الشغلانه دى والا
ماكانوش بعتولى


ثالثا : لازم تبقا عارف انو 70% من نجاحك فى الانترفيو دى مبنى على soft skills اللى هيا مهاراتك الشخصية
زى اصرارك انك هتنجح فى الانترفيو دى حتى اثناء تحضيرك ليها ..


رابعاااا : الراجل اللى هيعملك الانترفيو مش ضدك لانو عايز حد يشتغل عنده ومكلفين نفسهم وعاملين اعلان ف الجرايد مثلااا يبقا هما عايزين ناس للشغل كل الفكرة من الانترفيو انو عنده شك انى قادر اخد الوظيفة دى ومحتاج يتاكد انى ادهاااا


خامسااا : الراجل اللى هيعملك الانترفيو ..بيقرر انك هتاخد الشغلانه دى او لاء خلال 30 ثانيه من بدء الانترفيو..وبالتالى القرار مش بيبقا مبنى على اساس عقلانى وانما عاطفى

من خلال انطباعه عنك وفى ابحاث بتقول انو قرار شغلك الراجل بياخده من اول 4 ثوانى فى الانترفيو ودا بياكد انو القرار مش عقلانى وانما من خلال الانطباع الاول..عشان كدا وانت رايح ابقا البس كويس ويكون اللبس مريحك ..للولاد يبقا بدل سودا او كحلى او رصاصى




للبنات ..بلاش الوان الفرح والمايكب الكتير ...واللبس المبهرج ...والمكشوف ..

كل ما كان لبسك بسيط وشيك كل ما كان احسن


سادسا ..الاكسيسوريز للبنات او الولاد المفروض ما يزيدوش عن سبعة اكسيسوريز ..
مع العلم انو القلم اكسيسورى ..والنضارة بردو ..والبتاع اللى بيتحط ف الكارفات بتاع البدل اكسيسورى ..والساعة كمان ..والدبله ..ودبابيس الطرحة او توك الشعر ..كل دا اكسيسورى ..البس الاكسيسورى اللى انت عايزها بس المهم لما تعدهم ما يبقوش اكتر من سبعه


سابعا : نام كويس يوم الانترفيو ..



يبقا من 6 الى 8 ساعات نوم بالليل


ثامنا : تعمل حسابك تبقا تروح بدرى شويه يوم الانترفيو...و ابقا اسال هناك عن اسم الراجل اللى هيعملك الانترفيو ...لانو احلى حاجة هيحب يسمعها منك اثناء الانترفيو هوا اسمه ..فاعرف اسمه عشان اثناء الانترفيو تبقا تناديه بيه



كمان ابقا خد معاك نوته صغيره خالص وقلم طبعاا ..عشان لو عوزت تكتب اى حاجة

--------------------------------------


اثناء الانترفيو :
:
:
:
:
اولاااا ..الق التحيه وانت داخل مع ابتسامة على وجهك

لو الراجل مد ايده بالسلام مدا انت كمان ايدك ...وما تبدأش انت بالسلام بالايد
لانو ممكن حد يحرجك وهيكون قاصد من كدا انو يوترك ويبقا عايز يعرف رد فعلك ايه لما احرجك
فانت من الاول ما تديلوش الفرصه ..واوعى تسلم بالايد الا لو هوا مد ايده
موضوع السلام
بالنسبه للبنات ..فحسب البنت لو بتسلم بالايد او لاء
لو الراجل قام وقف عشان سلم عليك ..سلم عليه انت كمان واوعى تعد قبل ما يعد هوا


راعى وانت بتسلم عليه ايدك ما تبقاش تحت ايده ..ولا فوق ايده ..وانما الاتنين قصاد بعض

ثانياااا ..وانت بتتكلم تتكلم بكل ثقه ...واوعى تنسى تناديه باسمه
ما تعدش متوتر وخايف ...خليك واثق انك تستحق تاخد الشغل دااا لانك تعبت اثناء تحضيرك للانترفيو دى

ثالثا ..حافظ علىeye contact او الاتصال بالعين .وانت بتتكلم للراجل بصله .وما تبص ف السقف او ف الابجورة او الصور اللى على مكتبه..

لما بتبصله بتحسسه باهتمامك بيه ولو هما اكتر من حد اللى بيعملولك الانترفيو ...ابقى بص للراجل اللى بيسال وف نفس الوقت ابقى بصل للتنين وانت بتتكلم واوعى تركز مع واحد بس لانو قرار قبولك ف الشغل متوقف عليهم كلهم مش على الشخص اللى بيسالك بس

خامساا ..احسن حد ممكن تكونه هوا نفسك ..ما تدعيش حاجات مش فيك ..وما تقولش حاجات ما حصلتش ...عشان ربنا يوفقك ..بلاش نبتديها بكذب

سادسا ..ودى نقطة مهمة جدااااااا ..طول وانت بتتكلم مع الراجل دا ...ركز على حاجتين .اولا توصله الحماس من خلال كلامك ..

ازاى ؟؟ ..
بانك تتكلم بطبقه صوت واضحة تعلى صوتك فى كلمات وتقلله ف كلمات
تعمل استرس على الكلمات اللى شايف انها مهمة ولازم يسمعها كويس....
كل ما وصلتله حمااااااس اكتر كل ما كانت فرصتك اكبر

ثانيا ..اى سؤال الراجل يسالهولك ..رد بـ star





يعنى ايه Star؟؟


s=situation

t=task

a=action

r=result

بمعنى انو كل ما هوا يسالك اى سؤال ..تقوم تحكيله موقف مريت بيه وكان مطلوب منك مهمة معينه وانت عملت حاجة جاااااامدة جدااا وكانت النتيجة انو الامور اتحسنت جدااا
كل سؤال تتساله جاوب بستار



سابعا ..الانترفيو مش مكان للتواضع ..لاء ..دا مكان لازم تبين نفسك فيه انك احسن حد ف الدنيا يستاهل الوظيفة دى
وافتكر جمله مهمة جدا ..مش احسن حد اتقدم للوظيفه بياخدها ..وانما اللى بيعرف يبين نفسه انو كويس اثناء الانترفيو هوا اللى بياخدها

ثامنا ..وجه المناقشه معاهم بنفسك ...ولما يبقا فى فرصه اتكلم ف الموضوع اللى انت قارى فيه ومحضره ..والجزئيه دى عشان يحسو انك عندك عنصر المبادرة..وانك مطلع وعندك ثقافة

تاسعا ...كل ما يسالك سؤال ..خد ثانيتين تفكير ف الاجابه وبعدين جاوب بكل حماس وانت بتعمل ستار
وما تجاوبش بعد ما يسال على طول ..لازم تاخد ثانيتين وبعدها ترد
عشان ما ياخدش انطباع عنك انك متسرع وبالتالى ممكن تغلط كتير
وعشان هوا ممكن يسالك بعد كدا سؤال اجابته تكون صعبه عليك ...وتضطر غصب عنك تاخد فرصه تفكر فشكلك هيبقا وحش

فانت من باب اولى ..اى سؤال خد ثانيتين تفكير الاول وبعدها ابدا بالاجابه بحماس وبستارز
وحاول ف الاستار يبقا فى ارقام

بمعنى السنه اللى فاتت كان مطلوب مننا نحضر حفله للفنان الفلانى ف الكليه ...وقبل الحفله ب4 ساعات بس قالولنا
واحنا ف ظرف ساعتين خلصنا كل التجهيزات فعملنا كذا وكذا وكذا وكانت النتيجة انو الفنان حضر والحفله مرت باحسن حاله ممكنه

فى حاله الراجل سالنى سؤال انا مش عارفه ..بتجاوب بكل لباقه انك للاسف مش عارف الاجابه واكتب السؤال ف النوت اللى معاك وف اخر الانترفيو اسال الراجل عن اجابه السؤال دا

عاشراا ..اثناء الانترفيو ممكن تتعرض لاسئله عجيبه وغريبه ..ممكن يديلك ورقه ويقولك ارسملى الذكاء...مهما كانت الاسئلة مش تقليدية رد بكل ثقه وما تتلخبطش

ف الكلام لانو ف الغالب مش بيبقا عايز يعرف اجابه للسؤال وانما بيبقا عايز يعرف تصرفك هيبقا ازاى لما يسالك السؤال اللى مش تقليدى دا

رقم 11 ...اوعى تسال عن المرتب ...خااااااالص




ولو الراجل هوا اللى جاب سيرة المرتب والفلوس ......واوعى تقول كنت بتقبض كام ف الشغل اللى كنت بتشتغله قبل كدا ودا لسببين الاول انو ممكن صاحب الشغل يبقا عايز يعينك بمرتب كبير ولما يلاقيك كنت بتاخد اقل ممكن يقلل المرتب
والسبب الثانى انو صاحب الشغل ممكن تبقا قدراته الماديه هتعينك بمرتب اقل من اللى كنت بتاخده]فمايقبلكش ف الانترفيو عشان انت بتاخد مرتب اعلى فى حين انو انت ممكن يبقا عندك استعداد تقبل الشغلانه بمرتب اقل من اللى كنت بتقبضه قبل كداااا

اااخر حاجة ....وانت ماشى من الانترفيو ما تنساش بابتسامة لطيفه تسال الراجل اللى عملك الانترفيو
ممكن اعرف نتيجة الانترفيو منين او ازاى ؟؟
ودا عشان يعرف انك مهتم..

م ن ق و ل للأفاده،،

وتحياتي للجميع،، lol!
الرجوع الى أعلى الصفحة اذهب الى الأسفل
MoSTaFa
Admin
avatar

عدد المساهمات : 85
نقاط : 17114
السٌّمعَة : 0
تاريخ التسجيل : 08/09/2009
العمر : 29
الموقع : ::: المنصوره :::

مُساهمةموضوع: رد: مهارات المقابلة الشخصية ..   الثلاثاء سبتمبر 22, 2009 4:53 pm

حبيب قلبى والله يا محمد
ايوا كدا خلى الناس تتثقف بقا Very Happy Very Happy
الرجوع الى أعلى الصفحة اذهب الى الأسفل
http://7yatie.ahlamontada.net
Elmshmohands ali
المراقب العام
المراقب العام
avatar

عدد المساهمات : 12
نقاط : 16866
السٌّمعَة : 1
تاريخ التسجيل : 22/09/2009
العمر : 28
الموقع : EL mansoura

مُساهمةموضوع: رد: مهارات المقابلة الشخصية ..   الثلاثاء سبتمبر 22, 2009 10:03 pm

تسلم ايدك والله يا كبير بجد الموضوع مهم ومفيد
الرجوع الى أعلى الصفحة اذهب الى الأسفل
hector
عضو جديد
عضو جديد
avatar

عدد المساهمات : 16
نقاط : 16923
السٌّمعَة : 0
تاريخ التسجيل : 12/09/2009

مُساهمةموضوع: رد: مهارات المقابلة الشخصية ..   الأربعاء سبتمبر 23, 2009 6:56 am

شكرا يا جماعة على الكلام الجميل دة
وارجو ان الموضوع يثبت يا مصطفى
عشان يستفاد بيه الكل .
الرجوع الى أعلى الصفحة اذهب الى الأسفل
MoSTaFa
Admin
avatar

عدد المساهمات : 85
نقاط : 17114
السٌّمعَة : 0
تاريخ التسجيل : 08/09/2009
العمر : 29
الموقع : ::: المنصوره :::

مُساهمةموضوع: رد: مهارات المقابلة الشخصية ..   الأربعاء سبتمبر 23, 2009 9:00 pm

أنت تأمر يا حج
وأدى تثبيته علشان خطرك
lol!
الرجوع الى أعلى الصفحة اذهب الى الأسفل
http://7yatie.ahlamontada.net
MiDoHiTs
عضو جديد
عضو جديد
avatar

عدد المساهمات : 22
نقاط : 16957
السٌّمعَة : 0
تاريخ التسجيل : 08/09/2009

مُساهمةموضوع: رد: مهارات المقابلة الشخصية ..   الأربعاء سبتمبر 23, 2009 9:59 pm

فل يا معلم والله
بجد من احلى المواضيع اللى قرأتها
تسلم يا هيكتور ويستاهل التثبيت فعلأ
الرجوع الى أعلى الصفحة اذهب الى الأسفل
hector
عضو جديد
عضو جديد
avatar

عدد المساهمات : 16
نقاط : 16923
السٌّمعَة : 0
تاريخ التسجيل : 12/09/2009

مُساهمةموضوع: رد: مهارات المقابلة الشخصية ..   الأربعاء سبتمبر 23, 2009 11:15 pm

شكرا يا ميدو ع الكلام الجميل دة
واتمنى انة يفيد الكل
الرجوع الى أعلى الصفحة اذهب الى الأسفل
 
مهارات المقابلة الشخصية ..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حيــــــــــــاتى  :: المنتدى العام :: المواضيع العامة-
انتقل الى: