<< صديق مين !! ده كان زماااااااان >>

ضاقت بيكـ تبقى عايزنى اكون حواليكـ
ضحكت ليكـ اخلاصى يكون حمل عليكـ

كلمات من اغنية صابر الرباعى حبيت ابدا بها موضوعى

لان معناها شدنى جداااا ولقيت انها فعلا بتحصل كتير اوى

اليومين دول ... تلاقى صاحبك .. حبيبك .. جارك .. اى واحد

انت عارفه تلاقيه يقرب منك لما يكون محتاج منك حاجه

ولما تعملهاله يبقى ادى وش الضيف وبالسلامه ودمتم

كنا زمان نسمع مقولة كده تقولك " الصديق وقت الضيق "

ماشى يا سيدى طب وبعدين لما الضيق ده يفك ما الاقيش الصديق

ما خلاص بقا المقوله انتهت على كده ومقالتش ان الصديق يفضل الفترة الجايه

يعنى كانت لازم تكون " الصديق وقت الضيق وبعده " هههههه

المشكله انهم زمان علمونا ازاى نكون جدعان مع الناس

بس تقريبا الدرس ده ماخدوش كل الناس او كانوا فى مدرسة تانيه

فين الصديق اللى يتقال عليه صديق .. معتش كان فيه وخلص

ده حتى السر يا راجل لو طلع عن واحد مبقاش سر .. زمان كانوا

يقولوا السر لو طلع عن اتنين < ده على اساس ان فيه صديق>

يا خسارتك يا عم الصديق

فعلا دلوقتى صاحبك هو دراعك .. ع الاقل لما تحب تهرش

هو اللى هيعملهالك

خدوا عندكوا

كان ياما كان .. كان فيه صديق زمان

المفروض يكون معاك .. المفروض يكون امان

بس خلاص معتش موجود عشان الحب اختفى هو كمان

صاحبك هو دراعك .. تاعبك جارحك هو بتاعك

كفاية انه معاك فى اى مكان

زمان يقولوا صاحبك هو حبيبك

دلوقتى صاحبك اللى ايده فى جيبك

لما تحتاجه مش موجود لو محتاجك هو يجيبك

لو حد قالك صاحب فلان ومتصاحبش فلان

قوله صاحب مين ده كان زمان

====

ويجعله عامر